【親子教養】和兒子默書忍不住發脾氣 媽媽分享解決方法達到雙贏

Updated: Feb 23


「你k3 就識寫個『於』字,點解到五年班仲唔記得?」教Parenting 的我明知道上面這句説話是一個roadblock (溝通絆腳石), 會窒礙溝通,但我氣在上頭,已經衝口而出收不住了! 出事啦!個仔馬上擲筆、拍抬,怒視我。😡😡

我知他下一步就係入房,自己冷靜。幸好我還趕得及馬上Active Listen 他的情緒,說:「你係咪好嬲媽咪咁樣話你?」他嘴一扁,眼淚盈眶,走了進房。

我就在他門外說:「Sorry, 我知你嬲我咁話你。你ready,就來搵媽咪!」

我平靜地回房,因為類似上述情景常常發生。過了不夠10分鐘,他回來跟我說:「係囉,你次次幫我默書都criticize 我,我唔鍾意囉。」(情緒平服了)



細心回想自己上次同上次,好似都有一邊默一邊說一些「呢個字唔啱..」等説話。他似乎真的說得對,我有點兒內疚,就問:「你覺得我一邊幫您默書,一邊批評你,令到您覺得好annoying 。 」

「係呀,你就係又話呢個唔啱,嗰個唔啱。」他模仿我的語氣和表情!(原來又真係幾討厭!)

「sorry, 我唔知道你咁唔鍾意,不過有時真係有啲錯處我好想指出,咁我應該點樣同你講,你先覺得舒服啲?」

「可以學我啲老師咁,即係我寫完晒,如果錯咗,你就喺隔離寫番一個啱嘅俾我睇,但係唔·好·講·嘢。」

他的建議我有點兒未能接受,所以我說:「你啲老師真係唔講嘢㗎?不過我要show 俾你睇啲正確筆順,因為有時見你調亂咗。」(我都要向他表明我的要求。) 他說:「ok 呀!我會睇住你寫,然後唔出聲咁寫番你睇。」 這個我可以接受,於是我説:「好!咁如果你又寫錯咗,咁我就又唔出聲再示範一次俾你睇係咪?」 「係!」 「Ok 咁我哋再默過啦!」 他馬上拿回紙筆,說:「其實我唔係唔識個”於”字….」他的心情已回復正常水平,開始解釋,而大家也可以繼續默書! 「沉默是金」,先閉上嘴巴、是這類開始愛面子的男孩喜歡的應對方法,我們切忌囉囌、挑剔。 上述例子其實蘊含「父母效能訓練」課程上一些技巧,而最終的解決方法不是父母控制或有任何讓步,而是能夠滿足父母和孩子的需求,雙方都能夠接受的。

原文@Ohpama

19 views0 comments

Recent Posts

See All