孩子想紋身如何是好?

Updated: Mar 23, 2021

十四歲時,女兒想 #纹身



女:媽咪,我好想紋身! 母:哦!係呀?想紋在哪?(好奇、不作評論) 女:我諗應該係啲人哋見唔到嘅地方,好似腳踭、或者頸後面。 母:係咪好似「流星花園」個女主角纹個星星喺頸後面咁樣?(繼續保持好奇、核對一下) 女:我應該唔會紋星星,我想纹花或者some other stuff; 都唔會好似S咁樣,紋在hip和大腿附近,因為佢唔想爹哋媽咪睇到。 母:乜S冇話俾佢父母知就自己去紋身? 女:佢話佢哋一定唔俾,佢啲父母好嚴!咁你比唔比? 母:你係咪希望我批准?定係想聽吓我嘅意見,你好像還是十五十六 ? (核對期望) 女:我其實仲諗緊,因為我好驚痛,不過又真係會好型! 女:聽起來你好似好struggle 咁,想好型但係又怕痛....(同理) 你係咪想知我點睇?(確定她在聽。) (點頭) 母:首先,多謝你同我商量先,因為我真係好驚你好似S咁,瞞住父母去,假如有咩冬瓜豆腐,想幫你都唔得。(先欣賞她) 講真,你話纹過細細地喺人哋見唔到嘅地方,我其實係接受到。(自己的接受程度) 不過我有兩個擔心:第一:你紋咗之後,如果到時後悔,我聽講要鏟走個紋身,好似好痛,同埋會留下永久疤痕; 第二:我唔知道紋身嗰啲顏料入到身體之後,擔心對身體帶來影響,呢樣要check check ,同埋個師傅啲儀器乾唔乾淨。 最後就係你知唔知要幾多錢?不過我希望你對你自己嘅身體負責任,紋咗就係一世㗎啦! 另外,我接受到,爹哋未必接受到,我希望你都可以問吓佢意見。 (這是我們做孩子顧問的 #我訊息—即如實向孩子表達我們的價值觀和內在的狀態) 女:我知幾多錢,S話唔貴,我陪過佢去紋,個師傅好安全,雖然佢都話唔痛,不過我都驚痛同埋後悔.... 母:Mmm, 真係好難諗...不加你星期日問吓表哥,我記得佢好似有纹身.. 女:係呀,佢紋咗條龍 (表哥是大她約三十年、貌似Wyman的潮人) 周日,她問表哥紋身痛嗎? 表哥:「好X痛!你都係諗清楚好啲,我驚你頂唔順。使乜紋啦,出面啲貼紙仲型啦!」 我沒有再插嘴,之後也不見她再提起,只是幾個月後去大理和清邁旅行時,她就要我陪她去街邊的攤檔買幾個紋身貼紙貼幾日。 「媽咪,其實咁都幾好,又唔使捱痛又可以玩花款!」 其實做青少年父母可以好輕鬆, 無論他們問你想紋身、穿什麼環或其他我們不能接受的事, 不用第一時間就説「不」或批評,只需保持#好奇和冷靜,保持與孩子連結 #積極聆聽 對方的觀點、需要和期望 梳理自己的價值觀,不可接受背後的原因和需要 做孩子的 #顧問,或邀請其他人做顧問 將選擇權交給孩子 先小人:自小訂規距,一早講定是否可以或幾多歲才可以紋身、穿耳等等,不過他們長大後也有機會想推翻你當初的規定 父母以身作則 這樣是做孩子 #有效的顧問,我們就不會被開除,青少年會較願意跟你溝通,更為自己負責任,不會衝動地為了對抗你的權威,為反而反,或背著你去做。 延伸閱讀: 孩子想染髮,你同意嗎? https://www.facebook.com/1542246556083696/posts/2469135863394756/?d=n


36 views0 comments

Recent Posts

See All